MONK & PHONE

ကျွန်တော်တို့ ဒီမလေးရှားကို စလာတော့ တောသားမြို့ရောက် ဆိုသလိုပါပဲ။အရာရာဟာ အထူးအဆန်းတွေနဲ့
ပြည့်နှက်နေတယ်လေ။လမ်းတွေကြည့်မလား၊ ကားတွေကို ကြည့်မလား၊လူတွေကို ကြည့်မိတော့လည်း တမျိုး
လေးတွေလေ။ ခေါင်းမြီးချုံထားတွေက အစပေါ့။ဒီအထဲမှာ ပိုထူးတာလေးကို မှတ်မိနေသေးတယ်။တက္ကစီ  
မောင်းတဲ့သူက ဟန်းဖုန်းနှစ်လုံးနဲ့လေ။နောက်လမ်းဘေးမှာ အမှိုက်ကောက်နေတဲ့ ကိုယ်တော်က အသားက
သာ မဲတာ ခါးမှာ ဟန်းဖုန်းနဲ့ဗျ။ 
       အဲ့ဒီအချိန်တုန်းက မြန်မာပြည်မှာ ဟန်းဖုန်းတလုံးကို သုံးဆယ်ကျော်လောက်ပေးရတာလေ။ကျွန်တော့်
သူဌေးတောင်မှ CDMA လို့ခေါ်တဲ့ ခြင်းဖုန်းပဲ ကိုင်နိုင်တာ။ဒီတော့ကျွန်တော်တို့အထင်ကြီးတာဘာဆန်းလဲ။အဲဒီတုန်းက မလေးမှာလည်း အခုလို ဖုန်းတွေက တအားမပေါသေးဘူးလေ။ဖုန်းဆက်တော့မယ်ဆိုရင် တိုင်ကို 
ဆွဲထုတ်ရသေးတယ်။နောက်တပေ နီးပါးလောက်ရှိတဲ့ ဖုန်းတွေတောင် ရှိသေးတယ်။ရန်ဖြစ်ရင် ဖုန်းနဲ့ထုတာ
နဲ့တင် ပွဲပြီးတယ်။ဘာလက်နက်မှမလိုဘူး။အဲဒီတုန်းက မြန်မာတွေအိမ်မှာ အလွန်ဆုံးရှိမှ ဟန်းဖုန်းတလုံးပါပဲ။
ဆိုင်တွေမှာ သူငယ်ချင်းတွေ ဆုံကြလို့ စားပွဲပေါ်မှာ ဟန်းဖုန်းတင်ထားနိုင်တဲ့သူက ဆရာကောင်ပေါ့လေ။
နောက်ပိုင်းကျမှ ဖုန်းတွေက ပေါလာတာပါ။
တရုပ်မတွေဆိုရင် လည်ပင်းမှာ ကြိုးလေးတပ်ပြီးတော့ ဖုန်းကို ဆွဲတာလေ။စတိုင်ပေါ့။ရွှေဆွဲကြိုးတို့ ပလက်
တီနံတို့ မဆွဲဘူး။အရင်ကဆိုရင် 019 လိုင်းက လစဉ်ကြေး ဆိုပြီးတော့ တလကို RM 50 ပေးရတယ်။6 လ
ကို တခါတည်းပေးရင်တော့ RM 200 ပေးရတယ်လေ။ဖုန်းပြောတာကတော့ ကျသလောက်ပေါ့။အခုတော့
လည်း လစဉ်းကြေးဆိုတာ မရှိတော့ပါဘူး။ကိုယ်ပြောချင်သလောက်ကိ ပိုက်ဆံထည့်ပြီးတော့ပြော။ကုန်
တော့ လိုင်းက ကျသွားတာပေါ့။RM 30 ဖိုးထည့်ထားရင် တလအတွင်း ခေါ်လို့ရပါတယ်။ပိုက်ဆံ မကုန်သေး
ရင်ပေါ့။တလပြည့်သွားလို့ ပိုက်ဆံထပ်မထည့်ရင်တော့ အဝင်ကောလ်က နှစ်လလောက်ရပါသေးတယ်။
         အခုဆိုရင် ဖုန်းလိုင်းတွေကလည်း တအားများလာတော့ အပြိုင်အဆိုင်လုပ်လာကြတာ သုံးစွဲသူတွေ
အတွက် ပိုအဆင်ပြေတာပေါ့။ဖုန်းလိုင်းတခုဝယ်ရင် RM 8.50 လောက်ပဲ ကျပါတယ်။ပိုက်ဆံက RM 5 ပါ
သေးတယ်နော်။လိုင်းဖိုးက RM 3.50 ပဲကျတယ်လေ။အခုငွေဈေးနဲ့တွက်ရင် မြန်မာငွေ 1000 ကျပ်တောင်မ
ပြည့်ချင်ဘူး။ဖုန်းကတော့ အမျိုးမျိုးပေါ့နော်။တန်ဖိုးကြီးတာ ရှိသလို RM 100 လောက်နဲ့ ဝယ်လို့ရတာတွေ
လည်း ရှိပါတယ်။အခုဆိုရင် လူတယောက်ကို ဖုန်းနှစ်လုံးမှ မရှိရင် ခေတ်မမှီချင်သလို ဖြစ်နေပြီ။
            ဟိုးးးးးးးးးးးး အရင်က ဆိုရင် ဖုန်းမှာပါတဲ့ တီးလုံးသံတွေကို နားထောင်လို့ရပါတယ်။သူများကခေါ်
ရင်လည်း ကိုယ့်ဖုန်းထဲက နားထောင်လို့ကောင်းမယ့် အသံလေးတွေကို ရွေးပြီးတော့ ထည့်ထားရတယ်။
အခုတော့ ဖုန်းထဲကို ကိုယ့်စိတ်ကြိုက် သီချင်းထည့်မလား၊ စကားပြောသံထည့်မလား၊ ကလေးငိုသံတွေရော
ကလေးရယ်သံတွေပါ ထည့်ချင်တာကို အဆင်ပြေပြေ စိတ်ချမ်းသာစွာ ထည့်လို့ရပါပြီ။ဒါပေမယ့် ဖုန်းမြည်သံ
ကြောင့် ကသိကအောက် ဖြစ်ရတာကတော့ မြန်မာပြည်က ကြွလာတဲ့ ဆရာတော် တပါးပါ။
           ဒီလိုပါ............. ဒီမလေးကို မြန်မာပြည်က ဆရာတော်တပါး ကြွလာပါတယ်။ဒီရောက်တော့ ဖုန်း
တလုံးလောက်တော့ ဝယ်မှ အဆင်ပြေမှာပါ။။..........(ရဟန်းတော်တပါးရဲ့ သိက္ခာပုဒ်ဟာ အကျဉ်းအားဖြင့်
နှစ်ရာ့နှစ်ဆယ့်ခုနစ်ပါးရှိပါတယ်။အကျယ်အားဖြင့်တော့က ကုဋေပေါင်း ကိုးထောင့်တစ်ရာရှစ်ဆယ်နဲ့ အစွန်း
ထွက်က ငါးသန်း သုံးသောင်း ခြောက်ထောင် ရှိတယ်လို့တော့ နာကြားဖူးပါတယ်။ဒီအထဲမှာ ဖုန်းကိုင်ဆောင်
လို့ ရမရ တော့ မသိပါ။ဒီနိုင်ငံတွေမှာတော့ ဖုန်းက တကယ့်ကို လိုအပ်မယ်လို့ထင်ပါတယ်။ဘာဖြစ်လို့လည်း
ဆိုတော့ ဒီမှာ လာအလုပ်လုပ်တဲ့သူတွေက အချိန်တွေ သိပ်မပိုပါဘူး။တချို့ကိစ္စတွေကို လူကိုယ်တိုင် လာ
လျှောက်ဖို့ လာတိုင်ပင်ဖို့တို့က မဖြစ်နိုင်ပါဘူး။ဥပမာဆိုပါတော့.......ကျွန်တော်ဆိုရင် နေရတာ ဘုန်းကြီး
ကျောင်းနဲ့ အတော်ဝေးပါတယ်။ကျောင်းမှာ အလှူ အတန်းတွေလုပ်ရင် ဖုန်းဆက်ပြောမှ သိရတာပါ။တချို့တ
လေ ဆွမ်းစားဖိတ်ရင်လည်း ဖုန်းနဲ့ပဲ အရင်ကြိုလျှောက် ထားလိုက်ပါတယ်။ဆွမ်းကပ်မဲ့နေမှ လာပင့်ကျတာပါ
ဘယ်သူတွေဘာပြောပြော ဒီနိုင်ငံမှာတော့ ဖုန်းဟာ မရှိမဖြစ်ကို လိုအပ်ပါတယ်)ဆရာတော်ဘုရားလည်း
ဖုန်းဝယ်ပြီးတော့ ဘာမှမလုပ်တတ်ပါဘူး။အခုမှမြန်မာပြည်ကကြွလာတာဆိုတော့ အရင်ရောက်နှင့်နေပြီသာ
း ကိုယ်တော်တွေကို ဖုန်းဆက်တင် လုပ်ခိုင်းရတာပေါ့။ဆရာတော်ကြီးဆိုတော့ ကိုယ်တော်တွေကလည်း
လုပ်ပေးရတာပေါ့။  အင်းးးးဒီလိုနဲ့..........
         ဆရာတော်ကို ဆွမ်းစားလာပင့်ပါလေရော။ဆွမ်းဘုန်းပေးပြီးတော့ တရားဟော ရေစက်ချဖို့ ဆရာတော်ကို  လျှောက်ပါတယ်။ဆရာတော်ကလည်း တရားဟောမယ် ဆိုပြီး ဖုန်းလေးကို ဘေးနားချပြီး
ဟောနေတာ တရားတဝက်လောက်ရောက်တဲ့အချိန်မှာ ဘေးနားထားတဲ့ဖုန်းက အသံမြည်လာတယ်လေ။
ဒီမှာ နေရာက ကျဉ်းတော့ တရားဟောတဲ့ ဆရာတော်နဲ့ တရားနာတဲ့သူက နှစ်ပေလောက်ပဲခြားတော့
ဖုန်းမြည်သံကို တရားနာသူတွေကပါ အတိုင်းသားကြားရတာပေါ့။ဆရာတော် ဘုရားလည်း ဖုန်းမြည်သံ
ကြောင့် မျက်နှာကြီး နီရဲပြီး တရားကို ဖြောင့်အောင်မဟောနိုင်ပဲ မြန်မြန်တရားသိမ်းပြီး ကျောင်းကို ပြန်ကြွ
လာခဲ့ပါတော့တယ်။ဆရာတော့် ဖုန်းမြည်သံက လူတွေတော်တော် များများ ကြားဖူးကြမယ် ထင်ပါတယ်


  ကိုကိုရေ ဖုန်းလာနေတယ် ကိုကိုရေ ဖုန်းလာနေတယ်    
                         ဆိုတာလေးပါ.......
မရယ်နဲ့နော် ငရဲကြီးလိမ့်မယ်  ခွီးးခွီးးးးးးးးးးးး

ဆရာတော် ဘုရား ပြောပြတာကို ပြန်လည်ခံစားရေးသားထားတာပါ။              ။

Read more »

Posted in: သုတ,ဟာသ

ဆည်းလည်းလေးတွေမြည်ပါစေ

(အကိုရေ ပိတ်ရက်ကြရင် မုန့်ဟင်းခါးချက်စားရအောင်) ကျွန်တော်နဲ့ ညီအစ်ကိုလိုခင်တဲ့ ထွန်းထွန်းက ပြောလာတာပါ
သူပြောလိုက်တော့မှ ကျွန်တော့် စိတ်တွေ ဟိုးးးး လွန်ခဲ့တဲ့ အတိတ်ကို ပြန်ရောက်သွားပါတယ်
ကျွန်တော်က မြစ်ဝကျွန်းပေါ်သားပါ အရင်ကဆိုရင် ကျွန်တော်တို့ဘက်ကို သင်္ဘောနဲ့သာ သွားလာလို့ရပါတယ် အခုတော့ ကားလမ်းတွေ ပေါက်နေပါပြီ (သူကြီးဖောက်တဲ့လမ်း ပြည်သူတွေလုပ်အားနဲ့ပေါ့ဗျာ.. သိတယ်မို့လား လုပ်အားပေး
တွေနဲ့ ဖောက်တာလေ) ကျွန်တော်ကတော့ နွေရာသီဆိုရင် သင်္ဘောနဲ့ သွားရတာ ပိုသဘောကျတယ် မြစ်ပြင်ကို ဖြတ်တိုက်လာတဲ့ လေကလေး တဖြူးဖြူးအောက်မှာ ကိုယ်ဖတ်ချင်တဲ့ စာအုပ်ကို ငြိမ့်ငြိမ့်လေးဖတ်ရတာ တကယ်ဇိမ်ပဲ
ရန်ကုန်ကနေ ထွက်လာရင် တွံတေးကို မရောက်ခင်လမ်းမှာ လှေကလေးတွေနဲ့ သင်္ဘောပေါ်ကို ဈေးတက်ရောင်းတဲ့
ဈေးသည်တွေလည်း ရှိတယ်ဗျ သင်္ဘောလာမယ့်လမ်းမှာ လှေကလေးနဲ့ အရှေ့ကနေ ကြိုစောင့် သင်္ဘောအနားရောက်တော့
လှေကို တအားလှော် သင်္ဘောနားကို လှေကပ်မိပြီဆိုရင် ဦးကလူက လှေကြိုးကိုကိုင်ပြီး သင်္ဘောပေါ်ကို ခုန်တက် တချို့တွေ
လည်း သင်္ဘောပေါ်ကို မရောက်ပဲနဲ့ ရေထဲကိုပြုတ်ကျ တချို့ကျတော့လည်း လူကသာ သင်္ဘောပေါ်ကိုရောက်လာ လှေကြိုး
က လွတ်ကျန်နေခဲ့တာ အင်းး စွန့်စားမှုတခုပါပဲ သူတို့တွေလာရင် ကျွန်တော်ကတော့ ထကြည့်နေမိတယ်
ဒီလှေတစင်းကတော့ ညီအစ်ကို နှစ်ယောက် မုန့်ဟင်းခါးလာရောင်းတာပါ ပစ္စည်းတွေ သင်္ဘောပေါ်တင်ပြီး သူတို့ရောင်း
တော့ ကျွန်တော်လည်း မုန့်ဟင်းခါး တပွဲ အားပေးလိုက်ပါတယ် ကျွန်တော်စားနေတုန်း သူတို့လှေကြိုး ပြတ်သွားပါလေရော
အစ်ကို ဖြစ်သူက ရေထဲကိုခုန်ဆင်းပြီး လှေနောက်ကို လိုက်သွားပါတယ် သူ့ညီကိုတော့ တွံတေးကနေ စောင့်နေပါလို့ မှာသွားတယ် ညီဖြစ်သူကို ကြည့်လိုက်တော့ ဆယ်နှစ်တောင်မပြည့်တတ်သေးဘူး
ကျွန်တော်လည်း သွားစပ်စုတာပေါ့.. ညီလေး အသက်ဘယ်လောက်ရှိပြီလည်းဆိုတော့..သူ့အသက်ကို မမှတ်မိပါဘူးတဲ့.. ကျောင်းရောမနေဘူးလားဆိုတော့..မျက်နှာငယ်လေးနဲ့ သူငယ်တန်းပဲ တက်ခဲ့ဖူးပါတယ် အစ်ကိုလို့ ပြန်ဖြေတယ်...မေးမိတာကိုက ကျွန်တော်မှားတာ ကိုယ့်အသက်ကိုတောင် မသိတာ ဘယ်လိုလုပ်ကျောင်းသားဖြစ်နိုင်မှာ
လဲ ကျွန်တော့်ကိုယ် ကျွန်တော်လည်း ပြန်ရှက်မိတယ် မိဘကကျောင်းထားတော့ စာများတယ် အရုပ်နည်းတယ်ဆိုပြီး
ကျောင်းကို ပြီးအောင်မနေခဲ့ဘူး သူမပြောပေမယ့် ကျွန်တော်ကတော့ သိနေမိတယ် သူလည်းတခြားကလေးတွေလို ကျောင်းနေချင် ရှာပေမပေါ့ သူစိတ်ပြေအောင်ဆက်ပြောကာမှ ပိုဆိုးနေတယ် ..ညီလေးရယ် ညဘက်အားတဲ့အခါ စာလေးဘာလေးဖတ်ပေါ့လို့ အားပေးကာမှ ...ညဘက်ဆိုရင် ပိုက်ချလိုက်ရသေးတယ် မအားဘူးအစ်ကို..
ညီလေးမှာ မိဘတွေ အစ်ကိုတွေ မရှိတော့ဘူးလားဆိုတော့ ..အဖေကနေမကောင်းလို့ အိပ်ရာထဲက မထနိုင်တာ
ကြာပြီအစ်ကို ..အမေကတော့ စပါးရိတ်လိုက်နေရတယ် အစ်ကိုအကြီးဆုံးက ရွာကို စုဆောင်းရေးတွေလာတုန်းက ပါသွားတာ ဘာသတင်းမှ မကြားရတော့တာ...လို့ဆိုတော့ ကျွန်တော်လည်း ရှေ့ဆက်မမေးတော့ပါဘူး သူကဆက်ပြောတယ် ..ကျွန်တော့်အောက်မှာ ညီနှစ်ယောက်ကျန်သေးတယ် သူတို့တွေ ကျောင်းတက်နိုင်အောင်လို့ ကျွန်
တော်တို့ အနစ်နာခံရမယ်တဲ့ အင်းး သူ့စိတ်ထားလေးက လေးစားလောက်ပါတယ်
ကျွန်တော်လည်း အိမ်အတွက် ဝယ်လာတဲ့ မုန့်ကိုတဝက်ခွဲပြီးတော့ သူ့ကိုပေးပါတယ် နောက်ငွေငါးထောင်ကိုလည်း
ညီလေးအဖေအတွက် ဆေးဖိုးဆိုပြီးပေးတော့ သူကငြင်းပါတယ် .. ကျွန်တော်က ဆင်းရဲပေမယ့် သူများပစ္စည်းကို
အလကားမယူတတ်ဘူး အစ်ကို...တဲ့ ကျွန်တော်ကလည်း အတင်းပေးတော့မှ အားနာလို့သာ သူယူသွားတာပါ
ဒီကလေးဟာ ပညာမတတ်ပေမယ့် ရိုးသားတယ် သူများပစ္စည်းကို အလကားလိုချင်စိတ်မရှိဘူး အသက်ငယ်ပေမယ့်
မိသားစုတာဝန်ကို တတ်နိုင်တဲ့ဘက်က ထမ်းဆောင်တယ် အငယ်တွေအပေါ်မှာလဲ သနားငဲ့ညှာမှု ရှိတယ် ဘဝပေးမကောင်းလို့ သူ့အသားအရည်တွေက နေလောင်ပြီးတော့ မည်းနေပေမယ့် သူ့စိတ်ထားလေးက အရမ်းကို ဖြူစင်တယ် ကျွန်တော်ရော သူ့လိုစိတ်မျိုးထားနိုင်လားလို့ ပြန်မေးနေမိတယ် ဆက်ပြီ့း တွေးမိတာကတော့
ကျွန်တော်တို့ တိုင်းပြည်မှာ ပညာမတတ်တဲ့ ကလေးတွေ ဘယ်လောက်တောင် များနေပြီလဲ?
ဘဝပေးမကောင်းလို့ ဆင်းရဲပြီးတော့ ပညာမတတ်တဲ့ ကလေးတွေ နောင်တချိန်မှာ လမ်းမှားကို မရောက်ပါဘူးလို့ ဘယ်သူ အာမခံနိုင်လဲ? ဒီကလေးတွေရဲ့ ဘဝကို ကံတခုတည်းကို အပြစ်ပုံချရင် သင့်တော်ပါ့မလား?
အခု ဒီကလေးဘဝထက် ဆိုးတဲ့ ကလေးတွေရော ဘယ်လောက်တောင် များနေပြီလဲ?
ဒီအကြောင်းတွေကို ဘယ်သူ့ကို တိုင်ပင် ပြောပြသင့်သလဲ? (သူကြီးကို ပြောပြရင်လည်း တော်ကြာ နွားရှေ့ထွန်ကျူးတယ်
လို့ပြောနေမှာစိုးလို့ ...သူကြီးနဲ့ ဒီစကားပုံကသာ အလိုက်ဖက်ဆုံးပါ)
နောက်ဆုံးတော့ ကျွန်တော်တယောက်တည်း တိုးတိုးလေး ဆုတောင်းနေမိပါတော့တယ်...........

Read more »

Posted in: ခံစားမှု

လူ့အလို နတ်မလိုက်နိုင်

ဒီစကားလေးကိုလူတိုင်းနီးပါး ကြားဘူးကြမယ်ထင်ပါတယ် ဘာကြောင့်ဒီစကား ဖြစ်လာတယ်ဆိုတာဆက်ပြောပြမယ်

တခါတုန်းကအလွန်ကို တန်ခိုးကြီးတဲ့ နတ်သမီးတပါးရှိတယ် သူက လူတွေရဲ့အလိုကိုဘာကြောင့်နတ်တွေက မဖြည့်ဆည်း
နိုင်ရမလဲလို့စဉ်းစားမိတယ် ဒါကြောင့်သူကလူတွေရဲ့အလိုကို ဖြည့်ဆည်းမယ်လို့ ဆုံးဖြတ်လိုက်တယ်
ဒီအချိန်မှာပဲ တိုက်ဆိုင်စွာ လူ့ပြည်က ဘိန်းစားတယောက်မှာ ဘိန်းစားဖို့ ဘိန်းကုန်သွားတယ် ဘိန်းစားကလည်း
ဒီအချိန်မှာ ဘိန်းစားရရင် ကောင်းမှာလို့တွေးမိတယ် ဒါနဲ့နတ်သမီးကလည်း ဘိန်းစားအတွက် ဘိန်းကိုဖန်တီးပေးလိုက်
တယ် နောက်ထမင်းစားချင်ရင် တောင်းတလိုက် ရောက်လာ လိုချင်တာမှန်သမျှကို တောင်းတတိုင်းရောက်လာတော့
ဘိန်းစားကလည်း တွေးမိတယ် သူ့ကိုနတ်တွေမနေတာလို့လေ ဒါနဲ့ဘိန်းစားက သူ့ကိုမတဲ့နတ်ကို မြင်ချင်ပါတယ်လို့တောင်းတလိုက်တယ်
နတ်သမီးကလည်းကိုယ်ထင်ပြရတာပေါ့ နတ်သမီးဆိုတာ တအားချောတာလေ ဒါနဲ့ဘိန်းစားကလည်း နောက်ဆုံးအနေနဲ့
နောက်ဆုံးတခုကိုတောင်းတလိုက်ပါတယ် သူတောင်းတာက ဒီလို...

အခုသူ့ကိုကူညီနေတဲ့ နတ်သမီးကို မယားအဖြစ်နဲ့ပေါင်းသင်းချင်တယ်လို့လေ(လူဆိုး)
နတ်သမီးလည်း တခါတည်းလန့် ပြီးတော့ နတ်ပြည်ကိုပြန်သွားရော



ဒီလိုပါပဲ လောကကြီးမှာ လူတိုင်းရဲ့ဆန္ဒကို လိုက်ဖြည့်ဆည်းပေးဖို့ဆိုတာ တကယ်မလွယ်ပါဘူး ပူတော့လည်းပူလို့
အေးတော့လည်းအေးလို့ သဘာဝကိုတောင်လိုက်စိတ်တိုတဲ့သူတွေရှိပါတယ် သဘာဝကို သဘာဝ အတိုင်းလက္ခံလိုက်
တာအကောင်းဆံုးပါ.......

Read more »

ယုံလို့တော့ မပုံလိုက်နဲ့နော်

တခါတုန်းကပေါ့ဗျာ သူငယ်ချင်းနှစ်ယောက် တောထဲကို ထင်းသွားခုတ်ကြတယ် ထင်းခုတ်လို့အပြန်မှာ ညောင်ပင်ကြီး
တပင်အောက်ကိုရောက်တော့ ခဏနားရင်းနဲ့ ပါလာတဲ့ ထမင်းထုပ်ကိုစားကြတာပေါ့ ဒီအချိန်မှာ ပထမသူငယ်ချင်းက ထမင်းမစားခင်
ထမင်းကိုညောင်ပင်စောင့်နတ်ကို အရင်ပင့်ကျွေးပါတယ် ပသတယ်ပေါ့ဗျာ ဒုတိယသူငယ်ချင်းကတော့ ဒီအတိုင်းစားလိုက်တယ်
ထမင်းစားပြီးတော့ တရေးတမော အိပ်ကြတာပေါ့ မအိပ်ခင်မှာ ညောင်ပင်စောင့်နတ်ကို ပသတဲ့ ပထမသူငယ်ချင်းက ညောင်ပင်
စောင့်နတ်ကို တိုင်တည်လိုက်ပါတယ် သူအိပ်နေတဲ့အခါမှာ သူ့ကိုစောင့်ရှောက်ပါလို့ တိုင်     တည်လိုက်ပါတယ် တောထဲဆိုတော့ သူလည်း
ကြောက်တာပေါ့ ဒုတိယသူငယ်ချင်းကတော့ ဒီအတိုင်းအိပ်လိုက်တယ် သူတို့နှစ်ယောက် အိပ်ပျော်သွားတဲ့အခါမှာ
ကျားကြီးတကောင်က သူတို့အနားကိုရောက်လာပါတယ် ဒါနဲ့ကျားကြီးက ဒုတိယသူငယ်ချင်းကိုစားမလို့ ပြင်လိုက်တယ်
ဒီအချိန်မှာ ညောင်ပင်စောင့်နတ်က ကျားကြီးကိုတားလိုက်ပါတယ် ကျားကြီးသူ့ကိုမစားနဲ့ သူကငါ့ကိုဘာမှ မပြောထားဘူးစားချင်ရင်
ပထမသူငယ်ချင်းကို စားလို့ပြောလိုက်တယ် သူကငါ့ကိုအပ်ထားတာ သူ့ကိုငါပိုင်တယ် ဒါနဲ့ကျားလည်း ပထမသူငယ်ချင်းကို စားပြီး
တောထဲကိုပြန်သွားရော အားကိုးတကြီးနဲ့ ယုံလို့အပ်ထားတဲ့ သူသာအစားခံလိုက်ရတယ်

ဒီမှာကျနော် ပြောချင်တာက ယုံတိုင်းလည်းကောင်းတာ မဟုတ်ဘူးဆိုတာကိုပါ

ဒီအကြောင်းအရာလေးက ကျနော့်ဘဝနဲ့ အများကြီးကိုတိုက်ဆိုင်ပါတယ် သူငယ်ချင်းတို့ကိုလည်း ကျနော်လိုမဖြစ်အောင်
သတိပေးချင်တာလေးပါ
ဘုရားဟော စကားလေးတခွန်းရှိပါတယ်

( အတ္တာဟိ အတ္တာနော နာထော) ဆိုတာလေးပါ...

Read more »

မေမေ့ထံသို့ အိတ်ဖွင့်ပေးစာ

မေမေ  သားရိုသေစွာ စာရေးလိုက်ပါတယ် မေမေနေကောင်းတယ်နော် သားလည်းနေကောင်းပါတယ်
မေမေပို့သသော မေတ္တာတွေကြောင့်ပါ မေမေကိုသား ဝမ်းသာစရာ စကားပြောရအုံးမယ် သားလေအခု ဂစ်တာမတီးတော့ဘူး ဆေးလိပ်လည်း မသောက်တော့ဘူးမေမေ ဆေးလိပ်ကတော့ တယောက်သောသူကို
မသောက်တော့ပါဘူးလို့ ဂတိပေးထားလို့ပါ ဂစ်တာကတော့ တီးလိုက်တိုင်းမျက်ရည်ကျရလို့ပါ အခုဆိုရင်ဂစ်တာကို
သူများကိုပေးလိုက်ပါပြီ သားမျက်ရည်မကျချင်တော့ဘူး မေမေ
      သြော်ဒါနဲ့မေမေ သားလေ ဟိုတလောက ဒီမလေးရှားမှာပြုလုပ်တဲ့ ဘုန်းကြီးကျောင်းသစ် ဖွင့်ပွဲကိုသွားပြီး
တော့ ကုသိုလ်ကောင်းမှုတွေ အများကြီးလုပ်ခဲ့ပါတယ်မေမေ မေမေသာဓုခေါ်ပါနော် အရင်ဘဝပေါင်းများစွာက
တော်စပ်ခဲ့ဖူးသော ဘိုးဘွားမိဘဆရာသမားဆွေမျိုးမိတ်ဆွေသူငယ်ချင်းများနှင့် ယခုဘဝမှာတော်စပ်နေသော
ဘိုးဘွားမိဘဆရာသမားဆွေမျိုးမိတ်ဆွေသူငယ်ချင်းတွေကို ရည်စူးပြီးတော့ သံဃာတော်တွေအတွက် RM 200
လှူဒါန်းခဲ့ပါတယ်မေမေ သံဃာဆိုတာ ဟိုးအရင်တုန်းက ရှိခဲ့ဖူးသောသံဃာနဲ့ နောက်နောင်မှာ ပေါ်ထွက်လာမယ့်
သံဃာကိုပြောတာပါ ရဟန္တာတွေအထိကိုပါပါတယ် မေမေပြောပြထားလို့ သားသိတာပါ
    နောက်သားကို ညာသွားတဲ့သူတွေအတွက် ဘုရားမှာ သစ်သီးလှူခဲ့ပါတယ် နောက်တယောက်သောသူအတွက် တရားပွဲမှာ ပန်းအလှတအိုးထိုးပြီးတော့ လှူခဲ့ပါတယ်မေမေ ဝဋ်ကြွေးရှိရင်
ဒီဘဝနဲ့သာကျေပါစေလို့ ဆုတောင်းခဲ့ပါတယ် သားအတွက်ကတော့ ဝေယာဝစ္စ ကုသိုလ်ယူခဲ့ပါတယ်မေမေ
မေမေ သားတကိုယ်ကောင်းမဆန်ခဲ့ပါဘူးနော်
    မေမေ့ကို သားကျေးဇူးတင်တဲ့အကြောင်းလေး ပြောပြချင်ပါတယ် မုသားဆိုရင် ရယ်စရာတောင်မပြောနဲ့လို့
မေမေသားကို ဆုံးမခဲ့တယ်နော် သားအမြဲမှတ်ထားပါ့မယ် သားပညာမတတ်ပေမယ့် သားတို့ဘဝဟာ ဆင်းရဲပေမယ့် သားကျေနပ်တယ် မေမေ အခုသားကိုညာသွားတဲ့သူတွေက ပညာတတ်တွေလေ အရင်ကတော့
ပညာတတ်တွေကို သားအထင်ကြီးမိပါတယ် အခုတော့...  သားတို့ကိုးကွယ်တဲ့ ဗုဒ္ဓမြတ်စွာဘုရားဟောထားပါ
တယ် လောကမှာပညာသာလျှင် တန်ဖိုးအရှိဆုံးလို့ သားလက္ခံပါတယ် ဒါပေမယ့် တတ်ထားတဲ့ပညာကို တလွဲအသုံးချတာတော့ မကောင်းဘူးပေါ့
  ကင်းဝန်မင်းကြီး ဦးကောင်းဆိုတာလေ သူခေတ်တုန်းကတော့ ပညာတတ်,ပညာရှိကြီးပေါ့ ဒါပေမယ့် သူ့ပညာ
ကို တလွဲ အသုံချခဲ့လို့ ..အကုန်လုံးသူ့ကြောင့်မဟုတ်ပေမယ့် ကျွန်တော်တို့ သူ့ကျွန်ဘဝရောက်ရတာ သူ့စနက်
မကင်းဘူးမေမေ လင်္ကာလေးတောင်ရှိပါသေးတယ် ဦးကောင်းလိမ်ထုတ် သီပေါပြုတ်ဆိုတာလေ ရာဇဝင်တွေကို
သားပြန်မပြောချင်တော့ဘူး မေမေ
  နောက်ဘဝတွေများမှာ လူ့ဘဝကိုရမယ်ဆိုရင် မေမေ့သားပဲဖြစ်ချင်ပါတယ် သားကိုလိမ္မာအောင်ဆုံးမပေးလို့ပါ
ဒါပေမယ့်တခုတော့ တောင်းဆိုခွင့်ရရင် တောင်းဆိုချင်ပါတယ် လူတွေကို အလွယ်တကူ ယုံတတ်တဲ့စိတ်ရယ်,
တအားချစ်တတ်လွန်းတဲ့ အသဲနှလုံးတစုံရယ်ကိုတော့ ထည့်မပေးလိုက်ပါနဲ့ သားတကယ်ခံစားရလို့ပါ
    သားကိုဘယ်တော့ ပြန်လာမလဲလို့ မေမေမေးတယ်နော် သားလဲပြန်လာချင်တာပေါ့ ဒီမှာကြက်သား ဝက်သားကို နေ့တိုင်းစားနိုင်ပေမယ့် မေေ မ့ လက်ရ်ဖြစ်တဲ့ ချဉ်ပေါင်ရွက်ဟင်းနဲ့ ငပိရည်တို့စရာကို သားဘယ်တော့
မှမမေ့ပါဘူး နောက်စစ်မှုထမ်းရမယ် ဆိုတဲ့သတင်းကိုလဲ သားကြားနေရတယ်မေမေ  မေမေသိပါတယ် သားငယ်ငယ်က ကစားတာတောင် စစ်တိုက်တမ်းမှ ကစားတာပါ စစ်သားဆိုတာ ပျိုတိုင်းကြိုက်တဲ့နှင်းဆီခိုင်ပါ
(အရင်တုန်းက) အခုတော့မေမေ သားတမြေတည်းမှာနေ တရေတည်းသောက်နေကြတဲ့ ညီအကိုတွေကို ပြန်မတိုက်နိုင်ဘူးမေမေ ဘာကြောင့် စည်းလုံးညီညွတ်ရေးကို မရှာကြတာလဲမေမေ သားလေအခု ရေကိုတောင်
စစ်သောက်စရာမလိုတဲ့ ရေသန့်ကိုဝယ်သောက်တယ် မေမေ နောင်တချိန်မှာ တရားအားထုတ်မယ်ဆိုရင် စစ်ကိုင်းတောင်ရိုးကို မသွားဘူးမေမေ တခြားနေရာမှာပဲ တရားအားထုတ်မယ် သားလေအခု ယောနိသော မနသိကာရ ကိုနှလုံးသွင်းတတ်လာပါပြီ
သားစာတွေကို ဖတ်လိုက်ရလို့ စိတ်ပျက်သွားပြီလားမေမေ မပျက်ပါနဲ့မေမေနော် တနေ့ကျတော့ မေမေ့ရင်ခွင်ဆီကို သားပြန်လာမှာပါ မေမေ့ကျေးဇူးတွေကို သားဆပ်ချင်ပါသေးတယ်  သဗ္ဗဒါနံ ဓမ္မဒါနံ ဇိနာတိ
 လို့ဆိုတဲ့အတိုင်း မေမေ့ကိုရဟန်းဘဝနဲ့လည်း ကျေးဇူးဆပ်ချင်ပါသေးတယ် သားစာရေးတာ တော်တော်လည်း
ရှည်သွားပြီ သားမနက်ဖန် အလုပ်ရှိသေးတယ်မေမေ သားအိပ်တော့မယ်နော် မေမေလည်း ကျန်းမာရေးကိုဂရု
စိုက်ပါ လူတယောက် ကျန်းမာစွာအသက်ရှင်နိုင်ဖို့က ကံ, စိတ်,ဥတု,အာဟာရ နဲ့ဆိုင်တယ်မေမေ သားပြောချင်တာကို မေမေသိပါတယ် သားလည်းဂရုစိုက်ပါ့မယ်   မေမေကျန်းမာပါစေလို့ အမြဲဆုတောင်လျှက်


                  မေမေ့ကိုချစ်သောသား......

Read more »

ဒါမျိုးတွေ မဖြစ်ပါစေနဲ့

ကျွန်တော်ဒီသတင်းလေးကို မနေ့မှသိလိုက်ရတယ်  ပြောရမယ်ဆိုရင်တော့ သူက ကျွန်တော်တို့ထက် စီနီယာကျပါတယ်
       သူငယ်ချင်းတို့သိမှာပါ မလေးက (KLIA) လေဆိပ်ကို သူတို့တွေလုပ်ခဲ့ကြတာပါ သူမလေးကိုရောက်တာ ၁၉၉၅ လောက်ကထင်ပါတယ်
အခုတော့ ဒီမလေးမှာ ဆုံးသွားပါပြီ ဆုံးတာတောင် သူ့ကို သရဏဂုံမတင်ပေးလိုက်နိုင်ပါဘူး သူဆုံးတော့ အိမ်မှာဆုံးတာပါ ဒါပေမယ့် သူ့မှာလဲ ဘာမှမရှိ သူ့သူငယ်ချင်းတွေမှာလဲ ဘာမှမရှိတော့ လမ်းဘေးမှာသွား ပြစ်ထားလိုက်ရပါတယ် တော်တော်လေးကိုရင်နာစရာ ကောင်းပါတယ် သူကောင်းတဲ့အချိန်တုန်းက တကယ်တော်ပါတယ် ကားလောကမှာ မသိတဲ့သူမရှိသလောက်ပါ သူဌေးတွေကလဲ သူကိုသဘောကျပါတယ် ဒီမလေးမှာ ကားမောင်းတယ်ဆိုတာ မောင်းတတ်ရုံလောက်နဲ့တော့ မဖြစ်ပါဘူး တာယာလဲလုပ်တတ်ရပါတယ် ကားလဲပြင်တတ်ရပါတယ် ဒါမှသူဌေးက သဘောကျတာပါ သူကတော့ ကားပြင်တာကိုပါတော်ပါတယ်  နောက်တော့.........
         နောက်ပိုင်းကျတော့ အရက်ကစတာပါပဲ သူဘယ်လောက်အထိ သူသောက်သလဲဆိုရင် ဒီမလေးမှာထုတ်တဲ့ club 99  ကိုရေမရောပဲနဲ့
ပုလင်းကြီးတလုံးကို တခါတည်းသောက်နိုင်ပါတယ် အဲအရက်ကို မီးရှို့လိုက်ရင်မီးလောင်ပါတယ် နောက်ကျတော့ အရက်တင်မကတော့ပါဘူး
အဖြူရော ရေခဲရော သုံးရော ငါးရော မူးယစ်ဆေးမှန်သမျှကို အကုန်လုပ်တော့တာ သူ့အိမ်ကိုပေးစရာမလိုတော့ ဒီမှာ စိတ်ထင်တိုင်းနေချင်
သလိုနေတော့တာ သူ့အိမ်ကလဲ ချမ်းသာပါတယ် သူ ဒီ ကိုလာတာ ဒီမှာသေမလို့လာသလိုဖြစ်နေပါတယ် မိဘတွေကတော့ ဘယ်လိုဖြေမလဲ
မသိဘူး သားတယောက်ကို ဆုံးရှုံးလိုက်ရတာပါ
       ဒီမလေးမှာ ပျင်း, ပျော် , ပျက် ဆိုတဲ့စကားရှိပါတယ် ပထမရောက်ကာစကတော့ ပျင်းနေကြပါတယ် ဘယ်မှမသွားတတ် မလာတတ်နဲ့
နောက်စကားကလဲမတတ်သေးတော့ ပျင်းပါတယ် နောက်တော့ သွားတတ်လာတတ် စကားလဲတတ်လာတော့ ပျော်လာပါတယ် နောက်ဆုံးကျတော့ လူလည်ဖြစ်လာတော့ အပေါင်းအသင်းကစုံလာရော အဲမှာ မိမိကိုယ်ကို ကောင်းကောင်းမထိန်းနိုင်ရင်တော့ ပျက်တော့တာပါပဲ ဒါမျိုးတွေဖြစ်နေကြတာ အများကြီးပါ ယောက်ျားလေးတွေတင် မဟုတ်ပါဘူး မိန်းကလေးတွေလည်း ပျက်ဆီးနေတာ
အများကြီးပါ (မိန်းကလေးတွေအကြောင်းကိုနောက်မှရေးပါမယ်) သူတို့တတွေ မူလကလာရင်းရည်ရွယ်ချက်တွေ ပျောက်နေကြပါတယ်
သူတို့ပျက်ဆီးတာက သူတိုတင်မဟုတ်ပါဘူး မြန်မာလူမျိုး မြန်မာနိုင်ငံသားတွေကိုပါ သိက္ခာကျစေပါတယ်
      နောက်မလေးမှာ စကားတခွန်းရှိပါသေးတယ် အရင့်အရင်က နောင်တော်တွေပြောကြားခဲ့တာပါ (ဖ) လေးလုံးကိုလွတ်အောင်ရှာင်ဖို့ပါ
ပထမ(ဖ) ကတော့ဖုန်းပေါ့ဗျာ ဒီမှာဖုန်းလိုင်းကပေါပါတယ် ဖုန်းကသာဈေးကြီးတာ အသစ်တွေကိုပြောပါတယ် အသစ်တွေဆိုတာကလည်း လတိုင်းအသစ်ကထွက်နေတော့ ဖုန်းနောက်ကိုလိုက်ရင်း အိမ်ကိုငွေမပို့နိုင်တာတွေရှိပါတယ် ဒါကတော့ ဒီလောက်ပြဿနာမကြီးသေးပါဘူး
နောက်(ဖ)ကတော့ ဖဲလေ သိတယ်ဟုတ် စနေနေ့ညဘက်ဆိုရင် ဖဲဝိုင်းတွေက မြန်မာတွေများတဲ့နေရာနီးပါးတိုင်း ရှိပါတယ် အကုန်လုံးကိုမဆိုလိုပါဘူး ဖဲကြောင့်စီးပွားပျက်နေတာ အများကြီးရှိပါတယ် ဖဲတခုတည်းကိုပြောတာမဟုတ်ပါဘူး ဟိုးအရင်ဆိုရင် (၂၀၀၀-၀၁) အထိလောက်ကို ဂိမ်းဆိုင်တွေရှိပါတယ် အဲဒီမှာလဲစီးပွားပျက်တာ တပုံကြီးပါပဲ လောင်းကစားဆိုရင် ဘယ်ဟာကမှမကောင်းပါဘူး
နောက်(ဖ) ကတော့ မကောင်းတဲ့မိန်းမ လိုက်စားတာပါ ဒီမှာလဲပေါပါတယ် ဒါကတော့ လူညွှန့်တုံးမယ်ကိစ္စပါ ကုရာနတ္ထိဆေးမရှိသေးပါ
တချို့တွေကျတော့ ပါလာသမျှပိုက်ဆံကို အခိုးခံလိုက်ရတာပါ အပြန်လမ်းစရိတ်တောင်မကျန်ပါဘူး ရှောင်တာအကောင်းဆုံးပါ
နောက်(ဖ)ကတော့ နံပါတ်ဖိုးပါ နံပါတ်ဖိုး ဆိုပေမယ့် မူးယစ်ဆေးဝါးအားလုံးနဲ့ သက်ဆိုင်ပါတယ် မြန်မာတွေကိုယ်တိုင်ရောင်းတာတွေတောင်ရှိပါတယ် ဟိုတလောက ဆေးရောင်းတဲ့မြန်မာနိုင်ငံသားတယောက်ကို မလေးရဲတွေက အသေပစ်ဖမ်းလိုက်တာကို သတင်းစာထဲမှာဖတ်လိုက်ရပါသေးတယ် ဒီမှာကတော့ မူးယစ်ဆေးဝါးအမှုကို သေဒဏ်အထိပေးပါတယ်
    ကျွန်တော်ဒီအကြောင်းတွေကို ဆရာလုပ်ရေးနေတာ မဟုတ်ပါဘူး အထက်မှာကျွန်တော်ပြောခဲ့တဲ့ လူလိုဖြစ်မှာစိုးလို့ စေတနာနဲ့ပြောတာပါ  မင်းကတော့ ရေးနေပြီး မင်းကရောဒါတွေနဲ့ ကင်းသလားလို့မေးရင်တော့  ဟုတ်ကဲ့မကင်းတာတွေရှိပါတယ် ဒါပေမယ့် ကျွန်တော်ကတော့ မကောင်းတာကိုလုပ်ချင်လာရင် သတိတရားလေးနဲ့ထိန်းပေးပါတယ် နောက်ကျွန်တော့် မိဘတွေမျက်နှာကို
ပြန်ကြည့်ပါတယ် နောက်ကျွန်တော့်ချစ်သူမျက်နှာကို ပြန်ကြည့်ပါတယ် ဒါဆိုရင် တော်တော်လေးကို ဆင်ခြင်နိုင်သွားပါပြီ။

အားလုံးသောသူငယ်ချင်းများ မကောင်းမှုမှကင်းဝေးနိုင်ပါစေ။           ။

Read more »

Posted in: ပညာပေး

လုပ်နေတုန်း

ကျွန်တော်တို့ ရွာက ကာလသားဂေါင်းလေ နာမည်က ကိုဖိုးထောင်ပေါ့  မနက်စောစော သူ့အဖေက လှမ်းခေါ်လိုက်တာ "ဟေ့.. ဖိုးထောင်ရေ" လို့ အသံကြားရင် အခုထိလန့်နေတုန်း နေ့လည်ဘက် ထမင်းစားချိန် သူတို့အိမ်ရှေ့ရောက်လို့ "ကိုဖိုးထောင်ရေ ထမင်းစားပြီးပြီ
လား " လို့ မေးလိုက်ရင် "အေးကွ  စားမလို့ လုပ်တုန်း"...  ညနေပိုင်း လယ်ထဲဆင်းမလို့ သူတို့အိမ်အရှေ့က ဖြတ်အသွား "ကိုဖိုးထောင်ရေ
လယ်ထဲမဆင်းသေးဘူးလား" လို့မေးလိုက်ရင် " အေးကွ ဆင်းမလို့ လုပ်နေတုန်း"  ဒါက သူ့ရဲ့ ပုံမှန်ဖြေနေကျ အဖြေ ဘာကိုမေးမေး " အေး
ကွ....လုပ်တုန်း" က အနောက်ကနေ ကပ်ပါလာပြီးသား  ကိုဖိုးထောင်က သဘောလဲ ကောင်းပါတယ် နောက်မိဘတွေကလဲ တတ်နိုင်တဲ့
မိဘတွေလေ မတတ်နိုင်ရှိမလားဗျ သူ့အဖိုးက ကောင်စီခေတ်တုန်းက ဥက္ကဋ္ဌ.. သူ့အဖေကျတော့ ခါတော်မှီ သူကြီးလေ သားကျတော့ ကာ
လသားဂေါင်းဖြစ်တာ ဆန်းသလား 
       ဆန်းတာကတော့ မပြောနဲ့ ရွာထဲက အပျိုချောချောလေးတွေ ပျောက်ရင် ကိုဖိုးထောင်လဲ ကွင်းထဲမှာ ရှိတဲ့ လယ်တဲကနေ ရွာကိုပြန်ကို
ပြန်မလာတော့ဘူး  အမှန်ကတော့ တခြားကောင်လေးနဲ့ လိုက်ပြေးတာ မသိတဲ့သူတွေဆိုရင် ကိုဖိုးထောင်နဲ့ပဲ လိုက်ပြေးသလိုလို ထင်အောင်
တမင် ပုန်းနေတာလေ ကိုဖိုးထောင်က အဲလိုမျိုး နောက်ရှိသေးတယ် ကိုဖိုးထောင် ရည်းစားစကား လိုက်ပြောတဲ့ ကောင်မလေးမှန်သမျှ သိပ်
မကြာခင် အကုန် ယောက်ျားရကုန်တာပဲ  အဲလောက်တောင် စွံတာလေ တခါမြို့ကို ဈေးဝယ်ဖို့ လွှတ်လိုက်ပါတယ် အထည်ဆိုင်မှာ ပေလကပ်
ပုဆိုးမေးတာ မရှိဘူးပြောလို့ စိတ်တိုပြီးပြန်လာတယ်လေ သူလိုချင်တာက ပလေကပ် ပုဆိုး သူမေးတာက ပေလကပ် ဘယ်မှာ ရှိပါ့မလဲ ...
နောက် မျိုးစေ့ရောင်းတဲ့ဆိုင်မှာ ပလက်တီနမ် သွားမေးတယ်လေ သူ့အိမ်ကမှာလိုက်တာ ပူစီနမ်မျိုးစေ့ ကဲ သိပ်တော့ မလွဲပါဘူးနော်
     ရွာထဲမှာ အလှူအတန်းဆိုရင်တော့ အားကိုးရပါတယ် သာရေး နာရေး သူမပါရင် မပြီးပါဘူး တခါက ရွာကဘုရားပွဲမှာပေါ့ စတိတ်ရှိုးပါ
ပါတယ် မြို့ပေါ်က တီးဝိုင်းကိုခေါ်ပြီး ရွာက ဖိုးဆိုချင်တို့ မဆိုချင်တို့ ဆိုကြတဲ့ပွဲပေါ့ သီချင်းတပုဒ် ဆိုရင်တော့ တစ်ထောင်ပေးရပါတယ် ဒါ
မှလည်း တီးဝိုင်းခကျေမှာကို သူများတွေကတော့ အများဆုံး နှစ်ပုဒ်လောက်ပဲ ဆိုနိုင်ပါတယ် ကျွန်တော်တို့ ဇာတ်လိုက်ကျော်ကြီးကတော့
ဆယ်ပုဒ်တောင်ဆိုလိုက်တယ်  ဒါပေမယ့် သူဆိုတာ တပုဒ်မှ သီချင်းမပြီးဘူး သီချင်းကို အစအဆုံးတပုဒ်မှ မရတာ နောက်တပုဒ်တော့
ဆုံးအောင် ဆိုနိုင်ကောင်းပါရဲ့ နောက်တပုဒ်တော့ ဆုံးအောင်ဆိုနိုင်ကောင်းပါရဲ့နဲ့ ဆိုလာလိုက်တာ ဆယ်ပုဒ်ပြည့်မှပဲ ရပ်တော့တယ်  ဒါ
တောင် တီးဝိုင်းက သိမ်းလိုက်လို့ မသိမ်းရင် ဆက်ဆိုအုံးမလား မသိဘူး
    အခုတလော ရွာကိုအသစ်ပြောင်းလာတဲ့ မူလတန်းပြ ဆရာမလေးကို ကိုဖိုးထောင်သွားပိုးနေတာ တရွာလုံးသိတယ်  ရွာကလူတွေက
လည်း ဆရာမလေးနဲ့ ကိုဖိုးထောင်ကို ဖြစ်စေချင်ကြပါတယ် ဒါမှ ဆရာမလေးလည်း ရွာမှာမြဲမယ် ရွာကအပျိုတွေလည်း အေးဆေးနေ
ရမယ်ပေါ့ တချက်ခုတ် နှစ်ချက်ပြတ်လေ ဒီလိုနဲ့ ရွာကလူတွေ အလှော်ကောင်းလို့ ဆရာမလေးနဲ့ ကိုဖိုးထောင်တို့ မင်္ဂလာပွဲလည်း အောင်
မြင်စွာ ပြီးဆုံးသွားတာပေါ့ဗျာ ဆရာမလေးကလည်း ကိုဖိုးထောင်အကြောင်းကို အသေအချာ စုံစမ်းပြီးမှ ယူတာပါ နည်းနည်းလေး ကျပ်
မပြည့်တာကလွဲရင် ဆေးလိပ်မသောက် အရက်မသောက် အပျော်အပါးကင်းတော့ ယူမယ်ဆိုရင်လဲ ယူပျော်ပါတယ်
ကျွန်တော်တို့တွေက အကြောင်းသိတွေဆိုတော့ မင်္ဂလာဦးည သူတို့ အိပ်ကာနီးအချိန်လောက်ကို သူတို့ အိမ်ရှေ့သွားပြီးတော့
“ ကိုဖိုးထောင်ရေ မအိပ်သေးဘူးလား ”လို့ သွားမေးတာ ဆရာမပြန်ဖြေတဲ့ “ အိပ်တော့မှာလို့ ” အသံကိုပဲ ကြားလိုက်ရတယ် အမှန်ကတော့ ကိုဖိုးထောင်က ဖြေမလို့ပါ ဆရာမက အတင်း ကိုဖိုးထောင်ပါးစပ်ကို ပိတ်ပြီးဖြေလိုက်လို့သာ ကိုဖိုးထောင် ဖြေတာကို မကြားလိုက်ရတာ
     တကယ်လို့ ကိုဖိုးထောင်သာ ပြန်ဖြေမယ်ဆိုရင် ဘယ်လိုအဖြေမျိုး ထွက်လာမလဲ မသိဘူးနော်....????????

Read more »

Posted in: ဟာသ

အနန္တော အနန္တာ ဘယ်နှစ်ပါးရှိသလဲ

ကျွန်တော်ပေးထားတဲ့ ခေါင်းစဉ်က မေးခွန်းသဘောမျိုး ဖြစ်နေတယ်။ဒါပေမယ့် မေးခွန်းလို့ မမှတ်စေချင်ပါဘူး။ကျွန်တော့်
ရင်ထဲမှာ ဖြစ်နေတာကို သူငယ်ချင်းတို့နဲ့ ဆွေးနွေးတိုင်ပင်တာပါ။
        ကျွန်တော်တို့ မြန်မာနိုင်ငံက လမ်းဘေးတွေမှာ ဆိုင်းဘုတ်တွေကို သူငယ်ချင်းတို့ မြင်ဖူးကြမှာပါ။လိုင်းကားတွေပေါ်မှာ
ဈေးလိုနေရာမျိုးတွေ၊ရထားဘူတာလိုနေရာမျိုးတွေ၊သင်္ဘောဆိပ်လို နေရာမျိုးတွေ နေရာအနှံ့အပြားမှာ ဆိုင်းဘုတ်အမျိုး
မျိုးကို တွေ့မြင်ရတတ်ပါတယ်။ဥပမာ ကားတွေပေါ်မှာဆိုရင် လက်မထုတ်ရ၊ခေါင်းမပြူရ၊ကွမ်းတံတွေးမထွေးရ စုံနေတာပါပဲ။
လမ်းတွေပေါ်မှာ ဆိုရင်လည်း အမှိုက်မပစ်ရ၊ ဈေးမရောင်းရ၊သေးမပေါက်ရ၊သစ်ပင်မခုတ်ရ၊ရေမကူးရ၊ ငါးမမျှားရဆိုတာတွေက
တမျိုးပါ။ဒါတွေကတော့ ပြည်သူတွေကို စည်းကမ်းရှိအောင် သတိပေးထားတဲ့ ဆိုင်းဘုတ်တွေဆိုတော့ လိုက်နာသင့်ပါတယ်။
          ဒါမျိုးတွေကျတော့ နိုင်ငံတော် ဆိုင်းဘုတ်လို့ခေါ်ရင် ရမလား မပြောတတ်ဘူး။စည်ကမ်းရှိမှ တိုးတက်မည်။ဒါဟာ ဟုတ်ပါတယ်။ဘယ်နိုင်ငံသား ဘယ်လူမျိုးမဆို စည်းကမ်းရှိမှ တိုးတက်နိုင်ပါတယ်။မီးသတိပြု.... ဟုတ်ပါတယ် မီးလောင်မှု့
ကြောင့် နှစ်စဉ်နှစ်တိုင်း အိုးမဲ့ အိမ်မဲ့ဖြစ်ရတာ မနည်းပါဘူး။....  ဆိုင်းဘုတ်တွေအကြောင်း လိုက်ပြောနေမယ် ဆိုရင်တော့
ပြောလို့ဆုံးနိုင်မယ် မထင်တော့ပါဘူး။လိုရင်းကိုပဲ ပြောပါတော့မယ်။ ဒီဆိုင်းဘုတ်ကတော့ ကျွန်တော့်အနေနဲ့ လုံးဝ (လုံးဝ)
လက္ခံနိုင်စရာ အကြောင်းမရှိပါဘူး။လက္ခံနိုင်တဲ့ သူရှိရင်တော့ အောက်မှာ စာရေးထားခဲ့ပါ။           ။
  တပ်မတော်သာ အမိ၊တပ်မတော်သာ အဖ
  ဒီအပေါ်က စာကြောင်းကိုတော့ လုံးဝ လက်မခံနိုင်ပါဘူး။           ။
ဘာကြောင့် လက်မခံနိုင်တာလည်း ဆိုတာကို ဆက်ရှင်းပြပါ့မယ်။ဒီလိုပါ.......
      ကျွန်တော်တို့ ဗုဒ္ဓဘာသာဝင်တွေမှာ အနန္တော အနန္တ ငါးပါးဆိုတာ ရှိပါတယ်။မာတာပီတုဂုဏော
အနန္တော ဆိုပြီးတော့ မိဘနှစ်ပါးကို ဘုရား၊တရား၊သံဃာနှင့် တဂိုဏ်တည်း ထားပြီးတော့ ကိုးကွယ်
တာ ဗုဒ္ဓဘာသာ တခုတည်းသာ ရှိပါလိမ့်မယ်။အခုတော့ ဘုရားနှင့်တဂိုဏ်းတည်း ထားသော မိဘ
နေရာမှာ ဒီတပ်မတော် ဆိုတာကြီးကို အစားထိုးလိုက်ရမှာလား..????????????????????????
အစားထိုးလိုက်မယ် ဆိုရင်တော့ တပ်မတော်ဂုဏော အနန္တော လို့သာ ပြောင်းဆိုလိုက်ပါ။ဒါမှမဟုတ်
တပ်မတော်သာ အမိ၊တပ်မတော်သာ အဖ ဆိုတာကိုလက္ခံတယ်  မိလကိုလည်း မပစ်ပယ်နိုင်ဘူး ဆိုရင် ခင်ဗျားး တို့အတွက်ကတော့ အနန္တော အနန္တ ခြောက်ပါးပေါ့ဗျာ...
  အရင်တုန်းက ကြားဖူးတာကတော့ ပြည်သူသာအမိ၊ ပြည်သူသာ အဖ ဒီလိုပဲ ကြားဖူးတယ်။အခု
တော့ ပြောင်းပြန်တွေ ဖြစ်ကုန်ပြီ။အရင်က တပ်မတော်နေ့ဆိုတာ မကြားဖူးဘူး။တော်လှန်ရေးနေ့
ပဲကြားဖူးတယ်။ အခုတော့ တပ်မတော်နေ့တဲ့ တော်တော် ရယ်စရာကောင်းတယ်။
  စစ်တပ်ဆိုတာ ပြည်သူကို ကာကွယ်ဖို့၊ တိုင်းပြည်ကို ကာကွယ်ဖို့ ဖွဲ့စည်းထားတာပါ။အခုတော့
ပြည်သူရော ကျောင်းသားရော ဘုန်းကြီးတွေတောင်ပါသေးတယ်။ ပစ်မယ် သတ်မယ် ငါ့အာဏာ
တည်မြဲဖို့ အတွက်ဆိုရင် ဘာကိုမှ မကြောက်မရွံ့ နောက်မဆုတ်ပဲလုပ်မည့်သူတွေက အခုတပ်မ
တော်ဆိုတာကြီးကို ဦးဆောင်နေတာ။ဒီလိုတပ်မတော်ကြီးကို သူငယ်ချင်းရဲ့ ကျေးဇူးရှင်မိဘနှစ်ပါး
နေရာမှာ အစားထိုးသင့်သလား??? အစားထိုးနိုင်မလား???
အခုဆိုရင် သူများနိုင်ငံတွေမှာ အာဏာရှင် စနစ်တွေကျဆုံးကုန်ပါပြီ။သူတို့ တိုင်းပြည်က ပြည်သူ
တွေ စည်းလုံးညီညွတ်စွာနဲ့ တက်ညီလက်ညီ တော်လှန်တိုက်ပွဲဝင်ခဲ့ကြလို့ပါပဲ။ကျွန်တော်တို့ မြန်မာ
ပြည်ကရော ဘယ်လိုလည်း  ဘယ်တော့လည်း။အမှန်တော့ တိုက်ပွဲဝင်နေတာ ကြာလှပေါ့။ဘာလို့
မအောင်မြင်ရတာလည်း ဆိုရင်တော့ စည်းလုံးမှုမရှိလို့ မအောင်မြင်ရတာလို့ပဲ မြင်ပါတယ်။အား
မနာတမ်း ပြောရမယ်ဆိုရင် ကမ္ဘာမှာ မြန်မာလူမျိုးတွေဟာ စည်းကမ်းမရှိဆုံးလို့ ပြောလိုက်ချင်
တယ်။လုပ်ပိုင်ခွင့်လေး တလက္မလောက်ရှိရင် တမိုင်ဖိုးလောက် အာဏာပြချင်တယ်။ကိုယ့်လူမျိုးအ
ချင်းချင်း ဝိုင်းဝန်းလို့ ဖေးမကူညီမယ် မဟုတ်ဘူး။ဘာမှ သုံးစားလို့မရတဲ့ ဘဝင်ကလည်း မြင့်ချင်
သေးတယ်။သေရင်မြေကြီးထဲကို ရောက်ရင်ရောက်  မီးခိုးနဲ့ ပြာကျန်ခဲ့မှာချင်း အတူတူကို။
ပြောရင်းနဲ့ ဘေးကိုရောက်ကုန်ပြီ။လိုရင်းကို ပြန်သွားလိုက်ရအောင်။ဒီစစ်အာဏာရှင်တွေ အုပ်ချုပ်
နေသမျှ ကာလပတ်လုံး လူ့အခွင့်အရေး ဆိုတာကိုလည်း ဘာမှမသိ၊လူသားတယောက်ရဲ့လွတ်လပ်
ခွင့်ဆိုတာကလည်း ဘာမှမရှိ။သူတို့ ပြဠာန်းထားတဲ့ မတရားတဲ့ ဥပဒေတွေရဲ့ အောက်မှာ ကျွန်တော်တို့ ဘဝတွေကိုပဲ အဆုံးခံနိုင်မယ်။ကျွန်တော်တို့ရဲ့ သားစဉ်မြေးဆက် နောင်လာနောင်
သားတွေရဲ့ ဘဝကို ကျွန်တော်တို့လို ခေတ်ဆိုး စနစ်ဆိုးကြီးရဲ့ အောက်မှာ လူဖြစ်မှာကို မလိုလားဘူး။ဒီတော့ ............
      ကျွန်တော်တို့ရဲ့ ဘဝတွေကို နောင်လာနောင်သားတွေနဲ့ သားစဉ်မြေးဆက်တွေ အတွက်
                ပေးဆပ်လိုက်ကြပါစို့..........
written by....trueornot

Read more »

Posted in: ဆွေးနွေးချက်